كورس الديكور و التصميم الداخلي

ماذا سوف تتعلم في كورس الديكور ؟ وعشان تكون مُصمم ديكور شاطر ومتميز لازم تكون : ١ - تكون دقيق ولماح . ٢ - لازم يكون عندك قدرة على التخيل . ٣ - الثقافه ومعرفة كل جديد عن الموضه والديكور وتطور من نفسك باستمرار . يعني لازم تكون بتسمع ديكور 😉 يا هندسه . ولذلك هتتعلم في كورس الديكور ما يأتي عشان تنمي الثلاث نقاط السابقه . • هتتعلم يعني إيه تصميم داخلي و يعني إيه ديكور و إيه هي العناصر المختلفة الخاصة بالتصميم و اللي نقدر نتحكم بيها بحيث نوصل لأفضل نتيجة جمالية و وظيفية للفراغ. • هتتعلم الفروق في التصميم بين الفراغات المختلفة وفقاً لوظيفتها.. مثل الوحدات السكنية و التجارية و الإدارية و المستشفيات و العيادات… إلخ. • هنعرف أهمية دور التصميم الداخلي و الديكور في إحساسنا بالراحة و انعكاس ده على نفسيتنا بشكل كبير الألوان: • هنبدأ نفهم العالم السحري للألوان و يعني إيه دائرة الألوان و نظرية الألوان و نتعرف على الألوان الباردة و الألوان الدافيه و إيه هي الألوان الأساسية و يعني إيه خطط لونية . • هنتعلم مع بعض بشكل علمي إزاي نقدر نحدد الألوان اللي هنستخدمها في كل فراغ و إزاي بيتم تنسيق الألوان بين العناصر المختلفة من أسقف و أرضيات و حوائط و أثاث و مفروشات. • هنتعلم إزاي نقدر نختار درجات الألوان المناسبة لديكور المكان و اللي تتماشى مع أهدافه الوظيفية. • هنفهم يعني إيه مصطلح سيكولوجية الألوان.. و أهمية تأثير الألوان على الإنسان و انعكاسها على المزاج العام و الحالة النفسية لمستخدمي الفراغ. وليه المولى عز وجل مثلاً في سورة البقرة قال بقرة صفراء .... تسر الناظرين . وما علاقة ذلك ب سيكولوجية الألوان . مدارس و اتجاهات التصميم : • هنعرف الفروق بين إتجاهات و مدارس التصميم المختلفة و إزاي نقدر نحدد توجهاتنا التصميمية وفقاً لمتطلبات العميل. • هنعرف الفروق بين (الأرت ديكو و الأرت نوفو – المدرسة العضوية – المدرسة التفكيكية ) و غيرها كتير من الإتجاهات . هنعرف يعني أيه بوست مودرن يعني أيه نيو كلاسيك. يعني أيه باوهاوس • هنتعلم الفروق بين التصميم المودرن و الكلاسيك و على أي أسس بنقدر نختار.. و هل العميل هو اللي بيوجه مصمم الديكور ولا العكس، و هنفهم الفروق بين مدارس و توجهات التصميمات المودرن المختلفة. تصميم الأسقف: • هنفهم أهمية تصميم السقف في أي فراغ و قد إيه يعتبر من أهم العناصر اللي نقدر نستغلها ديكورياً و وظيفياً. • هنتعلم العلاقات بين تصميم الأسقف و ربطه بتصميمات الأرضيات و الحوائط. • هنتعلم إزاي نقدر نوظف تصميم السقف بحيث يساعدنا في توزيع الإضاءة حسب احتياجاتنا. تصميم و توزيع الإضاءة: • اختيار الإضاءة و توزيعها تعتبر من أهم العناصر تأثيراً في أي فراغ، عشان كدة مهم جداً إننا نفهم الأسس العلمية الصحيحة اللي من خلالها نقدر نختار و نوزع الإضاءة بالفراغات المختلفة. • هنفهم الفروق بين الإضاءة الطبيعية و الإضاءة الصناعية و الأضاءة المباشر وغير المباشرة و إمتى و إزاي يتم إستخدامهم و توظيفهم. • هنعرف إزاي نقدر نحدد إختياراتنا من وحدات الإضاءة المختلفة زي السبوت و الليد.. إلخ، و إستخدامات و مزايا و عيوب كل نوع. • هنتعلم إزاي نقدر نحدد شدة الإضاءة في المكان بحيث ماتكونش زيادة أو ضعيفه زيادة عن اللازم، و هنعرف إزاي بيتم توزيع مخارج الإضاءة زي الاسبوتات و المسافات بينها. تصميم الأرضيات: • هنتعلم أسس تصميم الأرضيات للفراغات المختلفة و أهم الإحتياطات اللي لازم نراعيها. ومتنساش : هنساعدك ........ وهنسعدك .

سجّل دخول للاشتراك

معندكش حساب؟ اعمل حساب في دقيقة